Mwy na Chrys-T: Y Stori y Tu Ôl i Cant Cymru

Mae Casgliad wastad wedi bod am fwy na thicio mynyddoedd oddi ar restr.

Mae’n ymwneud â’r boreau cynnar. Yr esgidiau wrth y drws. Y fflasg yn y car. Y copa roeddech chi bron â throi’n ôl ohono. A’r dyddiau hynny pan fydd y cymylau’n clirio o’r diwedd ac rydych chi’n cofio’n union pam wnaethoch chi ddechrau.

Mae’n ymwneud â chasglu atgofion, un mynydd ar y tro.

A dyna lle ddechreuodd y syniad am ein crys-T cyntaf.

O’r wal i’r mynyddoedd

Pan wnaethon ni greu Cant Cymru | Welsh One Hundred, roedd y syniad yn syml: rhoi ffordd i bobl ddilyn eu taith drwy 100 o fynyddoedd Cymru.

Mae pob pin sy’n cael ei ychwanegu at y bwrdd yn cynrychioli rhywbeth.

Taith gerdded sydd wedi bod yn y dyddiadur ers misoedd.
Antur funud olaf ar ddydd Sul.
Copa cyntaf.
Diwrnod anodd.
Diwrnod gwych.
Neu efallai fynydd nad ydych chi byth eisiau ei ddringo eto!

Yn araf bach, mae’r pinnau hynny’n dechrau adrodd stori sy’n perthyn yn llwyr i chi.

Ond roedden ni eisiau mynd â’r stori honno ymhellach na’r pinfwrdd.

Roedden ni eisiau creu rhywbeth a allai ddod ar yr antur gyda chi.

Rhywbeth sy’n dathlu’r her a’r mynyddoedd sydd wrth ei chalon.

Ac felly, dyma greu crys-T Cant Cymru.

Stori 100 o fynyddoedd

Mae rhywbeth arbennig am osod her i chi’ch hun na ellir ei chwblhau mewn un penwythnos.

Mae Cant Cymru yn mynd â chi ar draws Cymru.

Mae yna fynyddoedd y byddwch chi’n eu hadnabod yn barod, ac eraill efallai nad ydych erioed wedi meddwl am eu dringo. Diwrnodau mawr yn Eryri, copaon tawel lle nad ydych chi’n gweld neb arall, golygfeydd annisgwyl, tywydd ofnadwy — a’r dyddiau prin hynny pan fydd popeth yn dod at ei gilydd yn berffaith.

Ond dim ond rhan o’r stori yw’r 100 o fynyddoedd.

Y stori go iawn yw popeth sy’n digwydd rhwng rhif un a rhif cant.

Y milltiroedd ar y ffordd. Y bobl sy’n cerdded gyda chi. Y llefydd newydd rydych chi’n eu darganfod. Y boreau pan mai dod allan o’r car yw rhan anoddaf y diwrnod. A’r teimlad hwnnw pan fydd copa arall wedi’i gyrraedd a gallwch chi roi pin arall yn y bwrdd.

A bydd stori pawb yn wahanol.

Bydd rhai yn gweithio drwy’r cant yn gyflym.

I eraill, gall gymryd blynyddoedd.

Bydd rhai yn cerdded ar eu pen eu hunain. Eraill gyda ffrindiau, partneriaid, plant neu’r ci.

Does dim un ffordd gywir o wneud yr her.

A dyna sy’n ei gwneud hi’n antur i chi.

Mynd â Casgliad ymhellach na’r pinfwrdd

Hyd yma, ar waliau mae Casgliad wedi byw yn bennaf.

Cafodd ein pinfyrddau a’n printiau eu creu i ddathlu’r llefydd rydych chi wedi bod iddyn nhw — ac i’ch annog chi tuag at y llefydd sydd dal i aros i gael eu darganfod.

Mae’r crys-T hwn yn teimlo fel y bennod nesaf.

Yn lle rhywbeth sy’n aros amdanoch chi gartref i ychwanegu’r pin nesaf, dyma rywbeth sy’n gallu dod yn rhan o’r antur ei hun.

Gwisgwch ef ar y mynydd.

Gwisgwch ef ar y ffordd adref gyda choesau blinedig ac esgidiau mwdlyd.

Gwisgwch ef wrth gynllunio’r copa nesaf.

Neu gwisgwch ef yn syml oherwydd bod mynyddoedd Cymru yn golygu rhywbeth i chi.

Ar gyfer crys-T cyntaf Casgliad, roedden ni eisiau creu rhywbeth sydd â’i wreiddiau yn her Cant Cymru, ac sydd â chysylltiad clir â’r dirwedd a ysbrydolodd Casgliad yn y lle cyntaf.

Syml. Cymreig. Ac wedi’i greu ar gyfer pobl sydd wrth eu bodd allan yn y mynyddoedd.

Pam mae hwn yn golygu cymaint i ni

Ers dechrau Casgliad, un o’r pethau gorau yw gweld beth sy’n digwydd ar ôl i un o’n mapiau adael ein dwylo.

Rydyn ni wedi gweld byrddau’n llenwi’n araf gyda phinnau mewn cartrefi ledled Cymru a thu hwnt.

Rydyn ni wedi derbyn lluniau o gopaon a diweddariadau ar gynnydd. Rydyn ni wedi clywed gan bobl sydd wedi darganfod rhannau newydd o Gymru dim ond oherwydd bod bwlch gwag ar eu bwrdd wedi rhoi rheswm iddyn nhw fynd i rywle newydd.

Dyna’r rhan o Casgliad sy’n golygu fwyaf.

Oherwydd er ein bod ni’n creu cynnyrch go iawn, yr hyn mae’r cynnyrch hwnnw’n ei gynrychioli yw’r peth pwysicaf.

Esgidiau mwdlyd a choesau blinedig. Tywydd gwael a golygfeydd annisgwyl. Brechdan ar y copa. Cyfeillgarwch. Penderfyniad. Cyflawniad.

Ac yn fwy na dim, atgofion.

Roedd creu rhywbeth y gallwch chi ei wisgo wrth greu’r atgofion hynny yn teimlo fel y cam nesaf naturiol.

Felly mae’r crys-T hwn yn garreg filltir fach i Casgliad hefyd.

Ein dilledyn cyntaf.

Cyfle i fynd â Casgliad oddi ar y wal ac allan i’r mynyddoedd.

A gobeithio mai dim ond y dechrau yw hyn.

I ble fydd eich un chi’n mynd?

Efallai y byddwch chi’n ei wisgo ar fynydd rhif un.

Efallai rhif 37.

Efallai rhif 100.

Neu efallai y byddwch chi’n ei wisgo oherwydd eich bod chi’n adnabod y teimlad hwnnw o edrych tuag at y mynyddoedd a meddwl tybed i ble rydych chi’n mynd nesaf.

Ble bynnag rydych chi ar eich taith, dyna beth mae Cant Cymru yn ei gynrychioli i ni.

Nid cyrraedd yno gyntaf.

Nid gwneud yr her gyflymaf.

Ond mynd allan, darganfod Cymru a chreu casgliad o anturiaethau ar hyd y ffordd.

Mae crys-T Cant Cymru cyntaf Casgliad ar y ffordd.

Ac rydyn ni methu aros i weld i ble fyddwch chi’n mynd ag ef. ⛰️